قسم : Hardware , حلول و شروحات
موضوع مهم لكل الاعضاء
اولا كروت NVIDIA
اولا ال سلسله ال GT دي تعتبر اضعف كروت نفديا اسعار مرتفعه مقابل اداء متوسط
امثال الكروت GT 210 دي منصحش اي حد انو يجيبو GT 430 .. GT 610..GT 630 .. GT 640.. ده يعتبر اقوي واحد فيهم اللي هو 640 وده غالي بيعدي ال 700 جنيه وبردو ملوش لازمه
..................................................................................................................
ثانيا سلسله ال GTS ودي تعتبر متوسطه كويسه مع الالعاب اداء كويس مش وحش والافضل النسخه ال ddr5 مع كروت ال GTS زي مثلا GTS 250 دي مش موجود منو جديد...GTS 450 ده اشهرهم هما يعتبرو كرتين بس والاداء متوسط
.................................................................................................................
ثالثا كروت ال GTX
دي تعتبر اقوي كروت نفديا واشهرهم وطبعا كروت جباره مش كلها لاكن معظمها قوي
زي GTX 550..... GTX 650... GTX 660... GTX 680... GTX 690... GTX 770...
GTX 780 ........................ نيجي بئا للجبار GTX TITAN
الخلاصه لو هتشتري نفديا ومعاك تحت ال 1000 جنيه خليك في ال AMD احسن
................................................................................................................
ثانيا كروت AMD
تعتبر كروت ال AMD كروت رخيصه مقابل اداء عالي ودي الميزه اللي فيها عكس نفديا
بأختصار اقل كرت ممكن تجيبو من AMD هو HD 6670 ده اقل كرت تجيبو
اولا سلسله ال 6xxx
تعتبر الساسله دي قيها 3 كروت بس اقويا هما ال 6670.......6770....6790
اسعرهم مش عليا اوي مقابل اداء قوي ومقبول
.......................................................................................................
سلسله 7xxx دي تعتبر قويه واعلي سلسله لحد دلوقتي من AMD
واقل كرت هو 7750 وده ب 700 جنيه ويشغلك اي لعبه ممكن تتخيلها واعلي اعدادات بس مع بروسيسور مش اقل من i3
بعديها الرائع والاشهر ال 7770 ده كرت قوي يشغلك الالعاب اللي لسه هتنزل علي اعلي اعدادات زي ال btf4
amd 7850 كرب قوي جدا والاحسن يكون معاه ال CORE i5
7870 اقوي كروت AMD طبعا كرت رائع جدا
..................................................................................................
يفضل كروت nvidia علي كروت ال AMD وهذا بسبب خاصيه الفيزيكس
.................................................................................................
وهي خاصيه بتعلي الجرافكس وبتوضح الصوره لاكن عشان تشغلها من غير مشاكل محتاجه كرت GTX 650 TI ودي بتعلي درجه الحراره جدا يعني انا بخاف منها والاكتر من كده عيزه I5 طبعا انتا كده محتاج كمبيوتلا فوق ال 4000 جنيه عشان اشغل الخاصيه ملهاش لازمه
....................................................................................................................
النهايه مع الكروت معاك تحت ال 1000جنيه وبتفكر في كرت وانتا مغمض ال AMD فوق كده لو عايز nvidia برحتك......
حاجه بردو مهمه جدا في ناس فكره ان لما يكون الكرت 2 جيجا او 4 جيجا ده هيكون احسن لا طبعا في كروت 4 جيجا ب 500 جنيه وفي كروت 1 حيحا بتعدي ال 1500 جنيه مش مهم الميموري المهم معماريه الكرت الجيل اللي بينتمي ليه الكرت حاجه بردو ممكن تفيد ناس كتيير معظم كروت ال DDR5 تعتبر كويسه جدا ولو هتشتري كرت ولقيت منو ال DDR3 وال DDR5 وانتا مغمض هات ال DDR5 والفرق هيكون مش كتيير
وعن تجربه شخصيه احسن نوع من النسخ لكروت الشاشه هي MSI
اسعار كويسه جدا جدا جدا ورخيصه ودرجه حراره ممتازه تعتبر احسن شركه في التبريد
...................................................................................................................
الموضوع من مجهودي الشخصي ومن معلوماتي الضعيفه يعني علي ادي
اي سؤال انا موجود
رابط البوست الاصلى .. اضغط هنا
صاحب البوست و كاتبه .. Âmř Abdalrazik
لو سمحت مينفعش تنصحنى اجيب جهتز ويغل العاب معايا 5 سنين قدام اجيب انى جهاز بالظبط مع الكارت الخارجى
ReplyDeleteكده هتدخل فى حدود 7000 جنية :) ؟
Deleteاسألنا فى الجروب هنرد عليك :)